Cecícilio Fernandes, moris iha loron 1 Janeiru 1974 iha Timor – Leste. Iha experiénsia progressiva liu tinan tolu nulu (30) kona ba Assesoria Finansa, Kontabílistika no Aprovisionamentu iha instituisoens Estadu, organizasoens Nasionál no ajénsia dezenvolvimentu Internasional.
Hahu’u nia karreira profissional nu’udar Jestor Kréditu iha Bank Pembangunan Daerah (BPD) hosi tinan 1995 no to’o iha 1999, tuir kedas ho funsoens finanseira importante iha programa internasional , inklui ho Community Empowerment Project (CEP), UNICEF e Millennium Challenge Corporation (MCC). Entre 2004 no 2015, okupa kargu oioin kona ba Jestaun senior iha organizasoens hanesan GTZ, Charles Kendall no Federação Internacional das Sociedades da Cruz Vermelha no Crescente Vermelho (IFRC), iha ne’ebé lidera inisiativa Finanseiru no fortalesimentu Institusional. A partir 2016, Sr Fernandes dedika nia experiénsia ba Governu Timor-Leste, atua hanesan Assesor finanseiru no Aprovisionamentu ba ministériu oioin no instituisoens nasionál , inklui Ministério da Defesa, Ministério dos Transportes e Comunicações, Ministério Coordenador dos Assuntos Económicos no Secretaria de Estado das Cooperativas.
Aléin nia servisu governamental, Sr. Fernandes atua hanesan membru ba Conselho de Administração das Comissões Financeiras ba Organizações Humanitárias (CVTL), Fo supervizaun finanseiru no orientasaun estratéjika ba setores la ho fins lukrativu no humanitáriu iha Timor-Leste. Atualmente, okupa Kargu Presidente do Conselho de Administração do Banco do Nosso Futuro (BNF) no, desde novembru 2019, atua mos hanesan Assesor finanseiru no Aprovisionamentu ba Koordenadores hosi Fundo de Investimento dos Veteranos (FIV), kontribui ba Konsepsaun, implementasaun no governansa ba programa nasionál investimentu ba veteranus. Diretor Ezekutivu ba Fundu Investimentu Estratéjiku (FIE), iha kontinua halo planu ba Investimentu iha área sira ne’ebe bele hasae krescimentu ekonómiku sustentável, governasaun finanseira diak no dezenvolvimentu institusional.