DOKUMENTU ANTESEDENTE ISTÓRIKU

Mensajen hosi Presidente do Conselho de Administração de CCLN  Sr. Vidal de Jesus “Riak Leman”.

Prezadu Vizitante,

VIII Governu Constituisional liu hosi Ministério Para os Assuntos dos Combatentes da Libertação Nacional e Secretaria de Estado Para os Assuntos dos Combatentes da Libertação Nacional, Sua Ex. ^Cia SEACLN Sr. Gil da Costa Monteiro “Oan Soru” (iha momentu ne’ebá) la’o hale’u Munisipiu sanulu resin rua (12) inklui RAEOA, hodi halo sosializasaun ba Kriasaun Fundus Investimentu Veteranos hahu hosi Munisipiu Aileu, iha dia 30 Outubro de 2018 to’o remata iha Munisipiu Dili, iha dia 30 Abril de 2019. Hafoin sosializasaun remata,  kontinua kedas ho enkontru Regionál iha dia 15 Novembru de 2019. Iha dia 19 – 21 Dezembru de 2019  realiza  Kongresu Nasionál Veteranos hodi hasai Deliberasaun, hodi fo kompetensia ba SEACLN hodi implementa politika Kriasaun Fundus Investimentu Veteranos. Politika Kriasaun Fundus Investimentu Veteranos hetan legalidade liu hosi aprovasaun Decretu Lei N^o 13/2022 De 30 De Março, hodi altera fia fali (Primeira Alteração Ao Decreto-Lei N^o. 8/2020 De 19 De Março, Que Aprova A Sexta Alteração Ao Decreto-Lei N^o 15/2008, De 4 De Junho, Sobre Pensões Do Combatentes E Mártires Da Libertação Nacional).

Ikus mai Sua Ex.^Cia SEACLN Sr. Gil da Costa Monteiro “Oan Soru”  hasai Despacho hodi harii Gabinete-Fundus Investimentu Veteranos, hodi nomeia  Sr. Cecilio Fernandes sai nu’udar Koordenadór ba servisu refere.

Sekretario de Estado Para Os Assuntu dos Kombatente da Libertasaun Nasional baseia ba lei organico número 9/2018 de 27 de Desembro iha responsalvidade maximo atu valorija no Recoinesemento ba Resistencia Povu Maubere ne’ebé hakerek ona iha konstituisaun RDTL artigo 11, hodi fo protesaun especial ba Mutilados Funu Nain Sira,Feto Faluk no Oan Kiak Sira, Mane no Inan ne’ebé maka didika sira nia an tomak ba luta ukun rasik an iha funu ba Libertasaun Nasional hodi soin Independencia rai ida ne’e.

Fundu ne’e moris hosi mehi no sakrifisiu hosi ema hirak ne’ebé hakarak fo buat hotu ba ita nia nasaun ne’ebé independénte ona. Ohin, ho espíritu no dedikasaun ne’ebé hanesan, hakarak kontinua fo dedikasaun tomak no servisu makas hodi lori ita timor oan sira atu investe ba futuru nasaun ida ne’e liu hosi emprendimentu estratéjiku, ho impaktante iha agrikultura, peska, infraestrutura, finansa, no merkadu komersiál sira. Ita hakarak transforma ita nia forsa hodi dezenvolve ekonomia nu’udar oportunidade reziliensia.

Nuudar matadalan hosi prinsípiu transparénsia, inkluzividade, no sustentabilidade, Fundu Investimentu Veteranu, hamriik hanesan ponte ida entre jerasaun sira — fó onra ba pasadu, asegura futuru. Ita nia misaun maka atu transforma ita nia kontribuisaun koletivu ba valór ne’ebé duradouru ba sira nia família, no habelar ba Sosiedade tomak.

Nu’udar viajen ida-ne’ebé foin hahu, ha’u konvida parte interesada sira hotu — hosi sidadaun sira, parseiru institusionál sira no investór sira — atu bele la’o hamutuk ho ami. Hamutuk, ita sei harii, la’ós de’it Fundu, maibé orgullu nasionál ida hodi hetan moris di’ak.

Obrigado ba Ita-boot nia fiar no apoiu.