Gil da Costa Monteiro “Oan Soru”
Ministru Asuntus Kombatentes Libertasaun Nasionál maka responsavel ba konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba asuntus antigu Kombatentes Libertasaun Nasionál. Ministru Asuntus Kombatentes Libertasaun Nasionál maka iha kompeténsia atu halo medida polítika, lejizlasaun no regulamentasaun ba asuntus Kombatentes Libertasaun Nasionál, nune’e mós ninia finansiamentu, ezekusaun no avaliasaun; koordena no halo planu polítika Governu nian iha ámbitu asuntu hirak ne’ebé iha relasiona ho Kombatentes Libertasaun Nasionál; promove rejistu Kombatentes Libertasaun Nasionál, tuir lei; implementa programa atu atribui pensaun no benefísiu finanseira seluk ba kombatentes Libertasaun Nasionál no sira-nia família, tuir lei; disponibiliza akompañamentu no inkluzaun iha sosiedade veteranu no Kombatente Libertasaun Nasionál; promove, liuhusi koordena ho Prezidénsia Repúblika no Konsellu Kombatente Libertasaun Nasionál, hala’o serimónia valorizasaun, dezmobilizasaun no rekoñesimentu públiku ba Kombatentes Libertasaun Nasionál, liuliu liuhusi kondekorasaun ofisiál, harii memoriál ba mártires no asaun relevante sira-seluk; mantein servisu peskiza, arkivu no divulgasaun istória luta libertasaun nasionál; promove revizaun kle’an kona-ba baze dadus ba rejistu Kombatentes Libertasaun Nasionál; mantein baze dadus rejistu nian ida, prosesamentu, análize no supervizaun no hodi apoia sira nia atividade; promove no planeia programa apoiu libertasaun nasionál, liuliu, iha área saúde, edukasaun no formasaun tékniku-profisionál, empregu, asesu ba kréditu no atividade ne’ebé rezulta rendimentu
Iha VIII Guvernu Konstituisional liu hosi Ministério Para os Assuntos dos Combatentes da Libertação Nacional e Secretaria de Estadu Para os Assuntos dos Combatentes da Libertação Nacional, Sua Ex.cia SEACLN Sr. Gil da Costa Monteiro “Oan Soru” (Iha Momentu ne’ebá) inisiar ka sai hanesan promotor ba kriasaun Fundo de Investimento dos Veteranos hahu hosi Munisipiu Aileu, iha loron 30 fulan Outubru Tinan 2018 to remata iha Munisipiu Dili iha Loron 30 fulan Abril no Tinan 2019, hafoin sosializasaun remata. Kontinua kedas ho enkontru rejionál iha loron 15 fulan Novembru Tinan 2019, iha loron 19 to 21 fulan Dezembru Tinan 2019 realiza Kongresu Nasional Veteranos hodi hasai Deliberasaun, hodi fo kompetensia ba SEACLN hodi implementa kriasaun Fundos Investimentu Veteranos. Politika kriasaun Fundos Investimento Veteranos hetan legalidade liu hosi aprovasaun Dekretu Lei No. 13/2022 loron 30 fulan Marsu, hodi alerta fila fali (Primeira Alteração Ao Decretu-Lei No. 8/2020 de 19 de Março. Que aprova A Sexta Alteração Ao Decreto Lei No 15/2008, de 4 de Junho, Sobre Pensões DO Combatentes E Mártires Da Libertação Nacional).