Preparativu ba Atividade Fundo de Investimento Estratégico (FIE,S.A)

1. Estudu Viabilidade ba projetu Peska nian

Konsultan  ne’ebé mak hala’o estudu viabilidade ba Peska  ida ne’e mai hosi UNTL (Universidade Nasional Timor Lorosae ). Hafoin asina tiha kontratu iha Gab-FIV,  iha fulan Outubru 2025, ekipa konsultan hahu ezekuta no halao nia servisu hodi ba terrenu iha Betano-Same-Manufahi atu bele realiza Estudu viabilidade hahu hosi fulan Outubru no finaliza iha fulan Novembru 2025.

• Rezultadu final hosi Estudu Viabilidade ida ne’e hatudu katak:
  • Jeralmente haree hosi aspetu Sosial-Ekonomia,  aspetu Ambiental, aspetu Merkadoria, investimentu ba Peska Mariã  ida ne’e vizivelmente bele implementa. Haree hosi perspektiva ekonomia, hosi tempu badak, médiu no tempu naruk investimentu refere sei fo benefisiu ba investor sira, peskador sira, emprezáriu  no mos ba  komunidade lokal sira.

2. Estabelesimentu kompañia foun

• • Estabelesimentu  kompañia foun ho naran Kompañia Eko Agro Futuru Lda. Ne’ebé hamahan an diretamente iha FIE,S.A nia okos, Kompañia refere maka sei implementa projetu Peska iha teritóriu tomak.

3. Preparativu ba Atividade Peska

• • Ekipa FIV halo aprezentasaun Planu preparativu hodi selesiona Diretor Peska nian atu hala’o atividade preliminar  ba projetu peska nian iha Betano – Same.
  • Iha fulan  Outubru 2025  ekipa FIV – CNCV,S.A  no  Diretor  kompañia  peska nian hahu hala’o  observasaun ba fatin peska nian  ho finalidade atu  prepara, hamos fatin  ba konstrusaun edifisiu, armazenamentu no selu-seluk tan…
  •  iha rai refere hodi hein halo operasionalizasaun atividade peska nian ne’ebé  sei ezekuta hosi Kompañia Eko Agro Futuru Lda.

4. Aprezentasaun Planu estratéjiku FIE,S.A 2026

• • Aprezentasaun Planu estratéjiku ba kurtu, médiu no longu prazu ba Tinan 2026 to’o tinan 2033, hosi Diretor Ezekutivu FIE, S.A, iha setor Peska, pekuáriu, Agrikultura no ho nia orsamentu.

Hafoin halo tiha aprezentasaun, Presidente CCLN ho membru tomak deside atu foku uluk ba area peska nian hodi aprova nia orsamentu nune’e bele avansa ona ba hala’o preparativus no  kria kondisaun  ho objetivu atu avansa ba investimentu bazeia ba rekomendasaun mai hosi rezultadu estudu viabilidade.